Semellanza de triángulos, Teorema de Tales

Tales de Mileto considérase un dos primeiros matemáticos da historia por ser o primeiro que conseguiu demostrar as súas teorías.
Antes de Tales, as explicacións do universo eran mitolóxicas, e o seu interese pola sustancia física básica do mundo marca o nacemento do pensamento científico.
Foi capaz de comprender e ensinar o que aprendera da súa relación cos sacerdotes en Exipto.

Cóntase que nun das súas viaxes a Exipto determinou a altura da pirámide de Keops, aproveitando a sombra que esta producía nun determinado momento, aquel no que a lonxitude da sombra sexa igual á da pirámide (os raios do Sol deben ter unha inclinación de 45º), e ademais perpendicular á base.

Debido á situación da pirámide de Keops, en Gizeh, a 30º de latitude no hemisferio norte, só hai dúas posibilidades para que Tales realizase esta medición, o 21 de novembro ou o 20 de xaneiro